歌手林奕匡（Phil）、Supper Moment、小塵埃、吳林峰、楊智遠及蔡可汶出席音樂會，由森美擔任司儀，而各人分別輪流上台獻唱。壓軸演出的Supper Moment出場時，全場觀眾起晒身，將全晚氣氛推到高潮。
接受訪問時，提到森美早前跟仔女接受訪問，他直言第一次見到仔女答問題，而自己在旁感覺好得意，自己亦獲益良多，不過決定接受訪問前都有問到仔仔意見。
問到是否覺得仔女跟平時一樣，森美笑言：「感覺大個咗，比正常年紀大個啲，好似17、8歲，但我個女六年班咋。」
又指都有廣告商有意邀請森美跟仔女拍攝。問到可會考慮參與拍攝親子真人騷，他坦言只要不影響仔女學業就可以接受，但會交給太太決定，他謂：「我以前麻麻哋，不過對佢哋嚟講係親子活動，都好欣賞佢答問題，因為有時佢唔會同我講，對佢哋了解多咗。」
另外，森美更坦言眼見藝人例如陳百祥與太太夫妻檔工作出席活動感覺好開心：「不過依啲可遇不可求，唔得都冇所謂。仔仔頭先啱啱落機，我都去咗接機，同佢食咗個tea先做嘢，幾開心嘅。」
(蘋果日報)
