早前阿嬌公開認愛，承認同32歲嘅台灣「醫界王陽明」賴弘國拍拖！
賴弘國嘅情史即時被網友起底，爆出佢同有「空界林依晨」之稱嘅趙筱葳結過婚，隔咗半年就閃離。
同阿嬌爆出戀情後，又有一名身材很好的女生Wendy上載同賴弘國嘅合照，Wendy仲叫對方做「老公」添，但最後佢哋兩個都有對外澄清，話只係學長學妹關係！
今日賴弘國又畀人爆料，話佢9月初同Wendy同遊日本，仲話唔止外遊過一次添！
日本遊1個月後，賴弘國、阿嬌就認愛，仲話拍咗個幾月拖，計番時間，令人質疑賴弘國「劈腿」！對於劈腿傳聞，賴弘國就透過診所回應話：「跟阿嬌從認識到交往，都沒有跟其他女生交往或有曖昧關係。」
(on.cc 東網)
