方力申（Alex）以大使身份出席食品嘉年華，他坦言是大食怪：「睇我身形就知我大食啦，如果我唔係做呢行一定係大肥佬，所以先Keep得好，我一直都大食，一隻雞食落肚。」
對於前女友鄧麗欣日前生日，Alex大方透露有傳短訊給對方。
他說：「送上誠意祝福。（分開咗之後都有Send？）有，我好有禮貌。」
隨即自爆每逢節日都會短訊給鄧麗欣母親，媒體問到係咪行外母政策，Alex說：「行尊敬長輩政策。」
對於被傳同鄧麗欣復合，方力申：「成日傳，對唔住，未有呢件事，緣分未到。」隨即拉開話題說：「我隻貓啱啱過咗身，唉，唔想成日條題兒女私情。」
Alex透露12歲多大的貓貓日前在動物醫院過身，他說：「媽咪非常傷心，喺最後一個星期，我哋已經盡最大努力，我之前許願希望貓貓半夜安詳咁走，至少唔使人道毀滅，將媽咪痛苦減到最低，依家諗住領養狗狗。」
（on.cc 東網）
