現年81歲嘅謝賢依然老當益壯，最近佢就學阿仔謝霆鋒一樣參演大陸綜藝節目，不過佢唔係煮嘢食而係湊孫！佢喺真人騷《寶貝的新朋友》入面就會同「孫仔」去旅行享受吓親子樂。
節目就上載咗條先導片，謝賢仲公開咗佢嘅豪宅獨居生活添！
謝賢自爆試過3次因為有人叫佢出街而唔記得熄火，隔咗幾個鐘就有人急Call佢返屋企，點知成屋都係油煙，差啲火燭，嚇到霆鋒鬧爆佢，自此佢就貼咗張寫住「熄火」嘅紙喺大門提醒自己喇！
當工作人員問佢參加節目有冇同仔女講時，搞笑嘅佢竟然話：「沒有，因為我跟他們不是很熟的！」
獨對空房要自己對住四面牆食嘢，感覺其實都有啲唏噓！
佢閒時就好鍾意開電腦睇番霆鋒細個嘅相，細細個嘅霆鋒已經好靚仔又趣緻！
謝賢就話以前會兩父子去釣魚，閒談間流露住濃濃父愛，仲有無限嘅寂寞………
(on.cc 東網)
