龔慈恩、謝雪心及關禮傑等，今日去到佐敦出席濾水器公司開幕。
龔慈恩嘅17歲女兒林愷鈴（Ashley），有傳秘密簽約杜琪峯，又獲劉德華點名拍戲，龔慈恩否認女兒要入行，佢話：「佢o依家身份係學生，做嘢係業餘，冇正式入行，o依家中六好緊要，專心考大學，下星期佢出席活動會同大家講，杜sir好錫佢由細睇到佢大，大家好似一家人，讀完書到時等佢自己決定。最緊要讀好書先，佢8、9成時間都係讀書，大學或會選修建築及英國文學，讀得好就喺香港讀。」
(蘋果日報)
【17歲愛女即將考大學】簽杜琪峯正式入行﹖龔慈恩：下周交代
