點會冇前途啊﹖
黎瑞恩（小恩子）、徐子珊等今晚現身尖沙嘴出席慈善籌款晚宴，對於早前有報道指小恩子離開王祖藍經理人公司，原因係祖藍承諾幫佢出碟及開演唱會，但至今未兌現。
小恩子受訪時為祖藍澄清，佢話自己從來冇同祖藍簽約，一直是口頭合作，佢話：「睇到新聞都有唔開心，祖藍對公司同藝人都好好，演唱會我會同Tommy Chu（星娛樂高層）合作，之前祖藍話想一齊玩下，而唱片一向都係星娛樂幫我出。」
小恩子仲話，祖藍經常問佢係咪要幫佢接job做，只是佢自嘲冇前途，所以唔使刻意接，亦認為自己冇需要簽經理人公司。
(蘋果日報)
