吳若希日前出席《善心滿載仁愛堂》記者，吳若希表示這次是她產後第二個大騷演出，之前演出還有點肥，現在成功修身體重50kg比生BB前還弗。
她笑說：「冇刻意去減，湊BB亦唔辛苦，老爺、奶奶都會幫手，都唔知點解會瘦，可能身體好啩！」
全面復出幕前的吳若希透露在節目上會獻唱無綫外購劇《那年花開月正圓》的香港主題曲，難道又係洗腦歌！問到是否霸佔回一姐位置？吳若希否認說：「我哋冇分一唔一姐。」
講到繼續被網民攻擊？吳若希坦言做這行業預了受抨擊，只要不涉及家人底線就不會嬲，她笑說：「我覺得好搞笑，同網民講要尊重我屋企人好似變咗渴求咁，其實尊重係美德，正常都需要有。」
可會減少玩社交平台，吳若希笑說：「我唔擺嘢上去，佢哋又會唔開心，有啲網民唔鍾意我，但又鍾意睇我哋嘢，所以會繼續滿足佢哋，其實比生BB前已經玩少咗。」
（on.cc 東網）
