鄺文珣曾喺大台長劇《真情》演安仔女朋友Joan，為人認識，婚後已淡出幕前，已為兩子之母，上月底再為商人老公應德榮（Andrew）追女成功，生咗6.36磅囡囡Chesney，忙住坐月同湊囡囡嘅鄺文珣，好彩有兩名兒子幫手，輕鬆好多。
鄺文珣一直想等囡囡Chesney增磅少少，先影靚相俾大家睇，今日靚媽向傳媒發囡囡新相，Chesney輪廓分明，望落去絕對係「迷你鄺文珣」，非常可愛。相中Chesney酣睡瞓喺一個紙杯造型嘅裝飾品當中，鄺文珣今日接受訪問，佢短訊回覆：「經過20幾日嘅搏鬥，我的小muffin個『面珠墩』終於都多番啲肉。現在正打橫發展嘅佢，希望繼續食得好、瞓得好，健健康康，快快樂樂。」
(蘋果日報)
