57歲患有抑鬱狂躁症多年嘅。。。
57歲患有抑鬱狂躁症多年嘅前DJ洪朝豐，早前透露自己可能患上脷癌，透露過去一年舌頭不停發炎含膿，傷口久久未能癒合，就連講嘢、吞口水都會痛，都要靠食止痛藥止痛。
第二次切片檢查今日有化驗結果，洪朝豐接受電話訪問時中，傳來壞消息，佢回覆時聲線仍很平和﹕「係(脷癌)，我剛知報告，現在等緊，因為有啲手續要搞，傾偈唔係太方便，要搞好手續先可以再講。」洪朝豐之後禮貌掛線。
洪朝豐早前透露接受第一次切片檢查後，疑令炎症蔓延得更加兇更加狠，所以醫生才建議做第二次切片手術，結果今日證實是舌癌。洪朝豐並早已作最壞打算，曾向兒子（與前妻所生獨生子洪葉）交帶後事安排，表示可以將所有器官全部捐出，留俾有需要嘅人。佢話﹕「唔想搞任何喪禮，燒成灰燼後，我吩咐個仔攞去海葬，撒喺大海。」洪朝豐在訪問中亦有透露心願就係回歸主流電台媒體開咪。
(蘋果日報)
