楊秀惠早排拍完大台新劇《大帥哥》，就趁空檔返家鄉探親同過中秋節。
本身屋企喺馬來西亞柔佛新山嘅楊秀惠，仲抽時間喺當哋探訪安老院，又揞荷包買麵包同派薏米水派俾一班老人家。除咗探屋企人，做緊美容生意嘅佢，由朝到晚巡視當地業務，而爸爸媽媽為咗爭取多啲時間見阿女，惟有車出車入接阿女開工收工。楊秀惠話：「感覺好似返番去細個咁，佢哋接我返學放學，喺車上面傾偈，好窩心！」此行楊秀惠仲把握機會，充當攝影師，幫媽咪影咗一輯靚靚相，而母女輪廓仲有幾分似o忝。
(蘋果日報)
【媽媽勁年輕】楊秀惠晒母女餅印合照
