陳小春4歲大嘅囝囝Jasper最近成為焦點，雖然有個火爆老竇，但係Jasper就好受觀眾喜愛。
最近Jasper同小春喺《爸爸去哪兒5》合作表演皮影戲期間，唔覺意咁講咗自己中文名叫陳胤捷。
有網民覺得中間個「胤」字好難讀，但係知道「胤」字嘅廣東話讀音係「孕」之後就無限聯想。
事關陳小春同應采兒係喺10年2月14日情人節喺美國拉斯維加斯註冊結婚，當日亦咁啱係農曆大年初一，就令人聯想到陳胤捷嘅廣東話讀音同「情人節」好相似。
即使用普通話讀出嚟都好接近，所以陳胤捷就等如情人節，兩老婆攞諧音嚟放閃，如果係真嘅話，小春同應采兒又幾有心思喎！
(蘋果日報)
