藝人陳浩民同太太蔣麗莎（Lisa）育有三女一子，而Lisa平時要照顧四個小朋友都真係幾辛苦。
今日Lisa就喺社交網分享自己嘅行程，話一日要走兩場：「一天轉2場，從最北跑到香港最南邊，上午陪女兒面試小學，中午陪兒子唱歌。」
嘩！又要陪囡囡面試又要陪囝囝唱歌，行程咁趕，所以話做媽媽真係唔簡單！
不過相中見到囡囡陳雅薷好開心咁指住學校，又同媽媽嘟嘴合照，似乎雅薷都好有信心成功喎！
另外一張相，就見到囝囝陳璟逸錫咗Lisa一啖，畫面有愛，難怪Lisa都好開心咁話：「一個香吻，已經讓我感覺贏了全世界！哈哈哈」
網民都留言話幸好今日天氣清涼，排隊等候面試都冇咁辛苦，仲大讚Lisa果然係好媽咪，抵啲仔女咁錫佢呀!
(on.cc東網)
