藝員陳琪與胡諾言的細仔胡澔錕（Jayden）迎接一歲生日，一家人齊齊為澔錕舉行生日派對，身為爹哋的胡仔直言好開心：「梗係開心，皺紋多咗，笑容又多咗！自己年紀愈來愈大，不過唔緊要，幸福都會愈來愈多。囝囝頭髮都生得快，我哋兩個都忙，冇時間幫佢剪頭髮，過兩日補番畀佢啦！雖然只係一歲，但佢身形都似兩三歲，又大力，我哋都叫佢『牛黃仔』！」
而媽咪陳琪就幫囝囝準備了禮物：「整咗張百家被，用佢啲bb衫，我都好慳儉，仲留番啲靚衫準備送畀人，估唔到都好靚，好有意思，用囝囝由細到大嘅衫仔造，有好多回憶。」
而胡仔到餅店取蛋糕時發生小插曲，他笑言：「我都覺得怪，個英文名又串錯咗，老婆睇相先話我知拎錯蛋糕，個蛋糕仲明明寫住三歲生日！」
(on.cc東網)
