藝人姚子羚近期傳出同男友鄭子邦好事近，前幾日仲豪擲933萬買樓，雖然婚期就未有，但佢呢日就孖龔嘉欣同宋熙年做索爆姊妹團！
子羚喺微博上載多張「婚照」，原來係佢嘅化妝師結婚，佢留言：「今天是我們的化妝師Sammy的大囍（喜）日子～祝妳（你）同Danny幸福快樂快d（啲）生個B」
相中嘅佢哋着上一式一樣嘅紫色姊妹裙，相當之靚！而網民除咗大讚姊妹團顏值高，當然唔少得催婚，「逼供」問子羚「幾時結婚」、又叫佢「你都快啲」呀！
而龔嘉欣都有上載合照：「分享更多快樂的時刻 看見身邊的好姊妹們找到自己的幸福 很替他她們高興 她們很好 她們的另一半都很好 加起來就是圓滿了！」
（東方日報）
