蔡卓妍（阿Sa）、鄭希怡（Yumiko）同陳瀅今晚喺中環ifc出席Maje時裝活動。
Yumiko喺大陸同囡囡梁浸浸拍真人騷，被指唔識湊女，佢解釋：「係人生一部份，人生唔會咁平坦，有甜酸苦辣，嗰騷係先苦後甜，之後會睇到佢進步。」
節目入面Yumiko一個人照顧8個小朋友，煮早餐、幫小朋友着衫，佢哋完全無喊，不過呢啲場面節目無播出嚟，佢話反映到湊細路唔一定一帆風順，仲會有挫折，睇到自己不足冇耐性。之前又有指佢對住嗰女爆粗，Yumiko再澄清冇咁嘅事：「永遠唔會喺小朋友面前爆粗。」
Yumiko講到有一集佢囡囡同佢行書局，見唔到媽咪會大嗌，佢話o依家囡囡有經驗，就算行開咗，見唔到佢就會原地嗌。
(蘋果日報)
