38歲嘅「嚴謹」張達倫(Max)，去年同青梅竹馬嘅舊同學陳鳳玲(Kimmy)結婚，早前Kimmy先喺朋友圈分享咗幾張靚靚孕照，今日兩人嘅愛情結晶「大秋雞」出咗世喇。
張達倫接受傳媒訪問時好開心，佢話：「噚晚（太太）突然作動，凌晨即刻入醫院，今日下午出世，有剪臍帶，好似剪豬腸咁。但囝囝好好笑，出來周圍望，好似唔捨得瞓咁！」張達倫又話：「囝囝口大鼻大眼大咁，似我多啲，但似老婆就好啦，似老婆靚啲嘛。」張達倫又透露囝囝重7磅多，英文名叫Zachary，係Kimmy同前夫所生嘅混血女兒改嘅，兩公婆未為囝囝諗中文名，遲啲想搵文化人朋友起幾個名再揀。
(蘋果日報)
