剛與拍拖六年的女友譚寶怡拉埋天窗的藝人李天翔，與好友鄭世豪現身中環。
剛完成簽紙儀式的他大晒婚戒，太太為保持低調未有受訪。
天翔透露剛完成簽字儀式正式成為「老襯」：
「都好簡單咁同喺雙方家長面前簽紙，今晚就冇節目喇，只係就律師時間，過大禮都係幾日前嘅事，聽講呢幾日都係好日。今日成個程序都錯晒，我哋去咗女家斟完茶就上咗律師樓，正常好似係去男家、女家再上律師樓（有冇喊？）太太有，我自己就冇，反而係求婚時有喊。」
講到二人急急結婚，問到是否雙喜臨門？
李天翔笑說：「唔係，都唔算急嘅，結婚都係籌備兩三個月，都係搵律師，佢畀呢個日期我。（有造人計劃？）暫時未，因為我哋都係冇乜耐性嘅人。（放假度蜜月？）嚟緊會去沖繩，婚紗相都會影埋，仲Book咗間教堂行禮，暫時只安排屋企人，圈中朋友鄭世豪、黃嘉樂都有通知，但佢哋未知時間，有時間會買機票嚟，香港就唔會補擺。」
(on.cc東網)
