陳啟泰宣傳ViuTV節目《有病有真相》，分享自己十多年的保健心得。
「我2002年開始失眠，因為食咗保健食品七日，就失眠咗15年，所以話有啲嘢身體唔係咁吸收，又好似我一直以為自己熱底，係咁飲涼茶，結果仲怕凍過啲女仔，係近兩年開始食多啲溫性食物，失眠改善番八成。呢個節目我會同大家分享一啲呢十幾年學到嘅嘢，有啲健康小Tips，中西醫資訊都會講。」
問有否興趣主持新遊戲節目，他表示尚要多作了解，但近年的確少了一些大型送錢遊戲節目，再搞是好事。
講到近況，陳啟泰表示最近多拍攝網劇，最想演壞人、黑幫。
「我入行就30年，七成時間做主持，對未試過嘅角色都有憧憬，想演多啲壞人，有啲老正角色我都推咗，依家鬚都白，接工作一係好玩一係好多錢。」
問到TVB有冇搵佢，陳啟泰表示：「2001年有，但當時啱啱簽咗亞視，到近兩年好多亞視人入TVB，其實TVB都有搵我，但我太耐冇簽長約，部頭形式就可以傾。」
(on.cc 東網)
