藝員滕麗名、麥長青（麥包）與江美儀到東涌為節目《街市遊樂團》拍攝，三人齊齊玩轉街市，麥包更自掏荷包貼錢叫賣燒味，大受歡迎。麥包透露早在一星期前已到此區派傳單為活動預告，笑言相當成功，而麥包本身亦有投資茶餐廳，講到他今度頻頻做「蝕本生意」，他笑言：「又唔係咁講，都係一項宣傳費嚟啫！」
而阿滕獲不少街坊讚真人靚過上鏡，她笑言自己亦有幫襯，花費近百元買墨魚丸。講到早前被拍到肚凸凸出巡，老公朱建昆貼心攙扶她似有喜，阿滕即搞笑說：「你哋仲唔快啲扶住我？」身旁的美儀即反問：「吓？冇咗？」被麥包取笑大吉利是。
阿滕又解釋說：「影到嘅係一個多月前，拍《愛．回家之開心速遞》同袁文傑一齊整親，當時傷到腰，所以老公先扶實我慢慢行啫！整親之後唔敢講，驚影響劇組，估唔到文傑咁傻自己講咗出嚟，佢已經答應咗要補償！」
三人又笑指要好好計劃要袁文傑好好補償，問是否要他上節目遊街市示眾？阿滕笑言：「我哋下一個故事靠晒佢！要還㗎！要大懲罰！」問阿滕是否有計劃造人？身旁的麥包則搶答說：「未必有計劃，但可以有驚喜！」阿滕則苦笑指會考慮多添契仔契女。
(on.cc東網)
