胡杏兒將於本月尾就榮升做媽媽，懷孕初期，對於腹中塊肉嘅性別，一直都保持神秘感，杏兒就話每次照超聲波，BB都摺埋重要部位，又話有長輩未返香港，要等埋先公佈。
直至上月底，杏兒同老公李乘德(Philip)就開咗一個小型派對，公佈BB嘅性別，登登登…「It’s a boy.」，係慈姑椗嚟㗎！
啲人話女人最靚嘅時刻，除咗係結婚嘅時候，就係懷孕喇，所以好多準媽媽都會喺分娩前，影番輯靚相留念，杏兒都唔例外，佢今日就同老公分別喺ig貼咗啲Baby bump shoot。
李氏夫婦就好有默契咁，黑白配咁喺ig貼圖，李太負責黑色系列，李生就貼出白色系列，真係隔住個mon都感受到佢哋啲幸福！
(蘋果日報)
