黎燕珊前夫劉永早前喺專訪中話，喺大陸搵到第三春，又話男人最開心係有個家等等，至於同前妻黎燕珊及一對子女，劉永話仲有聯絡，點知俾黎燕珊反斥：「聽佢噏啦，邊有聯絡呀。」
珊姐日前同林作去到荔枝角出席分享會，其中珊姐話到自上一段婚姻至今多年，一直都冇新對象，懷疑自己魅力出問題，佢話：「以前啲細路仲細就冇諗，o依家佢哋都大個啦有時都會諗點解會冇，有朋友曾經介紹過啲男士畀我識，亦都教我有時做女人唔好太強勢、太聰明，適當時要扮蠢扮儍。」珊姐話自己要求唔算高，佢話：「只係希望經濟獨立，唔好細個我同矮過我。」問到一對仔女點睇？佢話：「囡囡好贊成，個仔就冇乜表示。」
(蘋果日報)
