鍾嘉欣早兩日同囡囡Kelly、仲有怕醜脊醫老公Jeremy，一家三口喺加拿大返港過節。
錫女錫到燶嘅嘉欣BB，趁住中秋節正日，幫囡囡着咗件粉紅兔仔衫。o依家14個月大嘅Kelly，眼仔碌碌越大越靚女可愛，仲越嚟越似媽咪o忝。
至於同樣得意嘅，仲有周汶錡(Kathy)兩個囝囝Jacques同Avner。啱啱Kathy就貼咗兩兄弟拎住燈籠過中秋嘅相。兩歲大嘅Jacques，依舊cute到震，呃like絕對冇難度。
至於越大越似哥哥嘅Avner，亦都搶咗唔少鏡。
對住呢幾個得意星二代，唔使食湯圓，都甜到漏！
(蘋果日報)
