歌手吳浩康（Deep）為12月10日在九展舉行「吳浩康LISTEN TO DEEP LIVE 2017」舉行記者會。他已有8年未開大型演唱會，感激公司上下都來撐他及信任他。
問到女友李昭南（Michele）會做嘉賓上台合唱，Deep說：「唔敢亂咁搞佢，佢有佢嘅音樂發展，唔想影響佢止係阿Deep嘅女友，對佢唔公平。」
Deep在英皇16年，過去所犯的錯失公司仍對他不離不棄？Deep坦言：「公司對我已經係超越咗一間公司對藝人嘅關係。」
經理人霍汶希（Mani）亦上台給Deep打氣，肺腑之言令Deep眼濕濕！
Mani台上說：「Deep經歷嘅高低起跌，我身為佢經理人係好深刻。」Deep愧疚說：「 你最肉酸嘅相都係我帶挈你。」Mani謂：「衰嘢，唔好嘢，唔好再講啦，每個人都有錯過， 冇人可以放逐你，只有你放逐自己， 你行好你嘅路，全英皇上下都會支持你，你下一站就係紅館。」
Mani又謂：「我覺得佢錯失咗黃金機會，但唔緊要佢仲好年輕有佢本錢。」又望着Deep說：「你知你呃過我啦，仲唔止一次，但我覺得今年阿Deep成熟咗好多，人有成長就有經歷。 前幾年Deep媽咪離開咗，Deep有日同我講『家姐，我好後悔，媽咪喺度嘅時候我冇好好表現畀佢睇，亦冇畀到幸福佢。』」
Deep聽到Mani憶述當年話即時眼濕濕。Mani即鼓勵Deep叫他做好工作，因他的母親會知道的。
（on.cc 東網）
