另外，千嬅又分享到，之前去大阪旅行時，有人讓座畀佢。。。
歌手楊千嬅在個唱記者會上獲媽媽及仔仔Torres到場打氣，不過Torres一直在後台，直至記者會開始便回家食飯。
追B順其自然
一直想再生的千嬅，被問到個唱後會否努力造人生「狗仔」？千嬅大笑說：「大家係咪希望我喺更年期前搞掂？呢啲係天賜，冇就好好教個仔，雖然生兩個好開心，但順其自然啦。」
千嬅個唱由12月23日開到12月26日，不過反應熱烈，會加開12月29日至明年1月1日四場，問到會否再加12月27及28日兩場？千嬅說：「開幾多得幾多，公司怕我辛苦，想我抖抖，加開到就開，開唔到就抖啦，冇乜所謂，今次已經破咗我之前開7場嘅紀錄。」因為千嬅未試過在聖誕及跨年開騷，她開心說：「人生得到好大紀念價值，好珍惜，今次會用好多體力。」問到仔仔Torres會否上台？千嬅說：「唔會喇，希望佢簡單啲。（老公丁子高上台？）唔會啦，因為佢都好忙。」
另外，不時送仔返學的千嬅坦言仔仔Torres已搭校車，並透露不時會與仔仔搭港鐵，千嬅指：「唔理，咪由人望囉，會不停Hello。（有冇人讓座畀你？）反而暑假同仔仔去大阪旅行時真係有人讓座畀我，當時我食到成60KG。（你有坐？）我冇坐呀。（即刻減肥？）食多陣先。」
(東方日報)
