每朝都要5點半起身煮不同款式早餐。。。
藝人陳倩揚出席堪輿學家李居明主持的電台節目，她表示很榮幸獲邀上節目，因她知道李居明的客人已排到很遠：「我會聽吓佢講咩先，佢有透視眼，知道我所有嘢，主要想知關於小朋友、健康同事業嘅嘢，睇吓我依家嘅路向會唔會可以再好啲，好多嘢想問佢。」
提到兩個仔仔最近開學，她指現時每朝都要5點半起身煮不同款式的早餐，又透露有出版商及品牌問她可有興趣出書：「我呢個30天早餐嘅食譜當初構思嘅時候都有咁諗過，好多followers都有叫我寫書，我會努力，要影相嘅話煮出喛就得，再寫埋啲食譜出嚟，應該唔難成事，希望好快有好消息。」
又指構思不同款式的早餐不算困難，因她喜歡將不同食物做配搭，而她見到仔仔開心就是最大動力：「雖然今次見到老公都係一支叉拮落去就食，但啲仔就會好畀面，會『哇』一聲，細仔仲想唔刷牙就食，呢個就係動力喇，會諗下次煮咩嘢令佢哋開心呢？呢個係做媽媽嘅其中一個樂趣嚟。」
而陳倩揚表示現時兩個仔仔都要返學，有時間的話會考慮可會再生多個小朋友：「我同老公有咁嘅計劃，我爹哋媽咪都好想。（想追個女？）唔係，係想再多啲小朋友，熱鬧啲，依家都仲算後生，可以再努力少少，將來可以熱鬧啲，我爹哋媽咪都話早知生多幾個，如果我能力做到，有時間同心機可以分畀多一個嘅，咁都可以諗吓。」又笑言會先向李居明詢問下意見：「如果佢話我未來呢兩年嘅事業要去到盡，咁緊係做嘢先，所以聽吓佢有咩意見先，我再參考吓。」
(東方日報)
