周杰倫（周董）同老婆昆凌2014年結婚，短短三年已經湊成好字，先後育有一女小周周（Hathaway）及囝囝Romeo！
喺今年6月先生咗Romeo嘅昆凌，早前晒咗張全身照，相中明顯肚凸嘅佢即時惹嚟懷有第三胎疑雲，不過佢就冇否認仲話有好消息就會公布！
今日凌晨佢就喺facebook晒咗張自拍照，留言：「剪了留了十幾年的長髮 ，my new journey」相中嘅佢用頭髮遮掩一邊面，少女感依然十足！
另外，適逢周董呢幾日喺台灣舉行《地表最強》演唱會，身為老婆嘅昆凌當然有去捧場，仲上載一條同好友方志友手舞足蹈嘅短片。
而佢就着上連身黑色裙，眼利嘅網民發現佢有啲肚凸，加上佢又剪短頭髮同之前未有否認傳聞，網民都問佢「是否懷孕」、「有第三胎了嗎」，紛紛恭喜定佢先呀！
(on.cc 東網)
