「胡說八道會」成員胡杏兒、黃智雯、姚子羚及胡蓓蔚日前晚上相約一齊打邊爐，胡蓓蔚老公單立文（豹哥）都有出席，但係會員之一嘅胡定欣反而未有現身。
子羚趁定欣唔喺度就將佢早前嗌退會一事攞嚟講笑：「胡定欣去咗旅行，佢成日話我哋唔理佢，話要退會，自己就去咗旅行。」
提到六人主持的《胡說八道真情假期》日前播畢，有網友留言大讚好睇，黃智雯即表示想拍第二輯，仲話監製亦在場：「監製睇住（留言），如果反應熱烈，監製會拍板。」
胡蓓蔚即大爆說：「已經拍咗板啦！」杏兒亦笑言：「首先我哋要度期。」黄智雯仲話想在網上公開沒有播出的絕密片段，更叫子羚公開泳裝照，子羚話要有好收視先會攞出來。
此外，有網友提議六人一齊拍劇，智雯話要做皇后，仲搞笑話奶媽角色適合姚子羚同胡蓓蔚。
(on.cc東網)
