【緊張過媽媽】徐榮仔仔陪包包返Playgroup

徐榮囡囡徐心怡（包包）下年就入讀幼稚園，而徐太今年就為佢準備咗Playgroup等佢可以快啲適應返學生活，今日又係包包返Playgroup嘅日子，唔同嘅係今日由哥哥徐朗陪同包包返Playgroup，原來今日哥哥放假。

徐太就上載兩張兄妹相上社交網，見哥哥陪包包坐港鐵去到上堂嘅地方，到包包入咗課室上堂，哥哥就好緊張咁喺門嘅小小玻璃位偷望妹妹上堂情況，一定係驚妹妹唔習慣會喊喊。

呢位哥哥真係好錫自己個妹，難怪徐太都話哥哥緊張過媽媽、有哥哥的妹妹像個寶。

（on.cc東網）