鍾嘉欣自從生咗囡囡Kelly之後，暫時都喺加拿大居住，照顧囡囡為先。不過間中都會回港出席活動，等一班粉絲可以見吓佢。
今次嘉欣BB就無返嚟香港住，不過同為前華姐嘅鄧佩儀（Gloria）近日返回加拿大溫哥華工作。
佢仲話今次不知幾開心，因為可以同鍾嘉欣（Linda）一齊做嘢，Gloria喺社交網上載同嘉欣嘅合照，同網友開心Share！
嘉欣BB無見一排仲係咁靚咁索咁省鏡！
Gloria一直都好欣賞嘉欣，Gloria發文：「聽說這是首次兩位溫哥華華裔小姐一起同台。溫哥華華裔小姐2003和溫哥華華裔小姐2012，這次很榮幸和高興可以和嘉欣師姐一起回娘家工作！一直特別欣賞Linda師姐，除了很照顧我之外，她永遠有讓人感到很溫暖的魔法。新一屆溫哥華華裔小姐2017已經開始訓練了，師妹們加油哦！好好享受整個過程，保證會很難忘。」
其中一張相見到Gloria同嘉欣頭貼頭合照，兩個不知幾開心，而另外嗰張相就見到Gloria同鍾嘉欣及多位候選佳麗合照，網友都大讚佢哋就算坐喺一班年輕佳麗身旁，依然咁美麗動人。
(on.cc 東網)
