江美儀同陳敏之向來都老友鬼鬼，簡直friend過夾band。
近日美儀仲喺社交網上分享咗件同敏之嘅趣事，就係佢飲敏之嘅人奶。
「我除了飲過我阿媽啲人奶，敏之你係第二個！唔錯，幾香，幾好味！多謝！」
相中見到拎住個奶樽嘅美儀同敏之都笑得好開心，而苗僑偉仲企喺佢哋後面指住個奶樽！
不過原來就唔止美儀有得飲，另外又見到敏之谷胸，而陳凱琳、麥美恩、黃翠如同江美儀等都拎住飲管扮吸敏之個胸，個個作狀吸人奶，畫面非常搞笑！
大批網友都留言話接受唔到，有網友都話今次敏之呢個「開心share」，真係冇得輸呀！
(on.cc 東網)
