藝人李漫芬（Fanny）上星期宣布懷孕三個多月，提到她年過40歲才懷孕，她說：「初初嗰時都要瞓床一段時間，係最辛苦，都。。。
43歲藝人李漫芬（Fanny）昨日於社交網站宣布懷孕三個多月，她的老公談成坤（Alvin）於上環首次為財務公司拍攝電視廣告，Fanny亦有現身支持。
二人一同接受訪問時，問到今次懷孕是否預計之內，Fanny笑說：「可以話係計劃之中嘅意料之外。因為朋友話有BB要先調理好身體，佢介紹嗰中醫畀我睇，個中醫話安胎同調理身體嘅藥方係唔同。我入廁所用驗孕棒驗，但出嚟嘅第二格好淺色，我再抽血，因為可以100%肯定係咪有咗。姑娘話我有咗時老公嗰時唔喺我身邊，我打畀老公，佢啱啱上水（Alvin是游水教練），佢第一個反應恭喜我，我話你都有份。」
打算順產唔開刀
問到打算順產還是開刀生B，Fanny說：「我想順產，我想試吓痛嗰種感覺，同埋話快啲好番，但都唔到我決定。（老公會唔會陪產？）佢梗係會，佢唔喺度會嚇死。」她謂未知道BB性別，而Alvin則表示仔或女都沒有所謂，最緊要健康。
佗B口味都轉埋
至於會否影響工作，Fanny表示公司好體諒她：「我唔使返內地拍，變咗多咗好多香港戲。昨日拍《果爛中的江湖大嫂》拍到凌晨12點，劇組都好照顧我。」她又謂懷孕後口味有轉變，變得喜歡食辣。提到她年過40歲才懷孕，醫生有否建議她停工，她說：「初初嗰時都要瞓床一段時間，係最辛苦，都驚佗唔穩。醫生叫我多啲休息。」
(東方日報)
