藝人方力申（小方）、葉芷如、周嘉莉及導演冼國林等到九龍站出席電影慈善特別場，小方說：「我喺戲中飾演贊助商，贊助啲學生比賽。（有冇遇過戲中所講嘅校園暴力？）冇喎！但歧視唔多唔少都有啲，譬如我靚仔過人哋，游水快過人哋，都會被人歧視，讀書差過人哋，又會被人歧視，咁講會唔會好啲？所以唔使理咁多，做好自己就得。」
小方有留意網上流傳，指他正儲錢準備2018年迎娶前度鄧麗欣。
他直指該網站已經說明是亂說一通：「內容我睇過吓，係事實嘅唔夠百分之十，不過可能依家大家多數只睇標題，唔睇內容，所以好多人恭喜我，但冇人向我求證係咪真。（有網友話一睇就知係假？）啊，即係睇死我呀？我冇諗呢方面，可能我真係2018年結到婚呢，咁錢都要儲嘅，但復合就冇喇！」
(on.cc東網)
