歐倩怡日前在灣仔錄影ViuTV節目《超級奶爸》，佢同主持何基佑講吓點管教一對子女，好似遇到佢哋曳曳時候會點處理。
歐倩怡自認「吟噆」兼長氣媽媽，同一句說話可以講兩、三次，搞到經常俾老公郭晉安stop佢。
講到如果小朋友唔聽話時會唔會好惡或體罰？歐倩怡話：「呢個年代唔得㗎喇，試過阿仔細個嘅時候，我搵把間尺打咗一下，佢就四圍講媽咪打我呀，可以報警呀，搞到我都滴汗。」
歐倩怡形容自己教小朋友嘅方式係音波功，但經常被兩兄妹ignore：「佢哋會睇我唔到聽我唔到，所以要學習說話貴精不貴多，相反佢哋好聽爸爸話，講一句小朋友就去做，真係好唔公平！」
佢仲搞笑話要去返工，叫老公湊小朋友。歐倩怡話O依家子女開始成長，可以抽時間工作：「最近我學打鼓，準備考進級試，我都有問過安仔復出幕前拍劇，佢話你咪拍囉，只要唔係同一套劇就得啦！」
(蘋果日報)
