舊時好多人都覺得老公比老婆年紀大會更好，感覺可以更好照顧老婆。但時代唔同咗，姊弟戀都變得好尋常。圈中亦有好多對星級姊弟戀夫婦，仲要sweet到爆！
第一對：張家輝、關詠荷
張家輝同老婆都係姊弟戀，不過佢哋之間只係差半年，同年唔同月。
佢哋結婚10幾年以嚟，雖然鮮有喺螢光幕前晒恩愛，但張家輝係出咗名嘅愛妻號，婚後關詠荷專心照顧屋企。
早幾年家輝喺香港電影金像獎再度封帝時，公開感謝太太照顧屋企，等自己可以安心出去打拼。
第二對：霍建華、林心如
林心如同霍建華去年結婚，兩人年齡相差近4年，做咗10年朋友後，終於修成正果。今年二人於1月仲生埋B女小海豚，一家三口勁幸福。
早兩個月又被目擊兩公婆拍拖睇戲，平日兩公婆各有各忙，但仲識把握時間拍拖，真係好難得。
第三對：羅仲謙、楊怡
楊怡同羅仲謙上年結婚，又係姊弟戀，女大男5年。
二人非常恩愛，喺社交網仲不時放閃，真係閃到爆！
單係謙謙個Instagram只係follow老婆楊怡一個就知幾咁恩愛。
第四對：張倫碩、鍾麗緹
近年比較誇張嘅姊弟戀，可算係鍾麗緹同大陸男星張倫碩，二人足足相差12年。
鍾麗緹曾經兩度失婚兼育有3個女，前年同張倫碩因合作真人騷節目《如果愛》第二季撻着。
上年佢哋錄節目時，張倫碩突然向鍾麗緹求婚，女方更即時答應，並喺三名女兒陪同下出嫁，成件事非常浪漫！
(Apple Daily)
