恭喜恭喜！吳若希終於嫁喇！
吳若希(原名吳嘉妮)今年4月為澳門闊少男友何兆鴻Alex誕下囡囡Giselle後，已經放晒聲氣話想生夠四個，希望之後追仔再生孖胎。
咁婚期呢？佢就話年尾會同Alex先註冊，明年舉行婚禮。依家吳若希長居澳門，但未註冊成為合法夫婦，原來吳若希本月8日已入紙申請結婚，預期婚期係年底！恭喜晒！
婚禮舉行在即，吳若希依然密密食，今午兩點幾，佢就放咗張成枱食物嘅相，大快朵頤：「其實我是台式料理的腦殘粉⋯在香港想吃的話～這間的魯肉飯真的非常非常非常好吃！是非常非常非常好吃！我現在好想吃！！！！#三星台菜食堂」
嘩，食到有雙下巴喇，要忍下口做個靚靚新娘子！
(蘋果日報)
