38歲嘅長腿天后陳敏之喺舊年生咗囝囝雷子樂（雷冬至），坐完月冇耐就復出拍大台新劇《溏心風暴3》。
不過今日有周刊報道，敏之同大台仲有大半年左右嘅合約。
周刊指出，佢覺得拍劇嘅工作日夜癲倒，結果搞到阿仔癡工人多過癡佢，於是佢決定約滿之後唔再續約，專心湊仔同打理餅店生意。
報道仲話其實自從梁家樹離開大台之後，敏之受到冷待，少咗好多拍劇嘅機會，只有靠做綜藝節目Keep住曝光率，搞到敏之有啲灰，好彩佢一向受廣告商歡迎，而且老公又係生意人，佢嘅生活圈子比以前多咗，所以敏之計劃開拓多一個新市場，擴展做KOL生意，實行用自己名氣賺吓舒服錢。
今日有傳媒向敏之求證，佢話：「哈哈，真係寫到連我自己都唔知，我同公司關係一直好好，嗰份合約仲有好長，而且我自己亦好鍾意拍劇，唔會退出喇！」
(Apple Daily)
