藝人陳國邦與女兒陳禛為奇妙節目《冇大冇細》錄影，首次孖住囡囡做主持的他，表示兩年前太太羅敏莊曾帶同陳禛拍節目，由於陳禛僅得兩歲多，故過程間經常出現真性情，如發脾氣及哭泣。
但現時女兒已長大，亦累積不少演出經驗，懂得控制情緒，更謂：「頭先同佢講定一陣會問佢問題，跟住陳禛喺耳邊問我使唔使Rehearsal一次，好搞笑。」
陳國邦表示，甚少機會自己一個帶埋阿女出街，多數都係一家人行動，而於訪問期間，陳禛不時整蠱作怪，又扮鬼臉，非常可愛，問到喜歡跟爸爸還是媽媽去玩？陳禛非常醒目謂：「我想爸爸、媽咪一齊去西貢同我打鞦韆。」
陳國邦話阿女雖然有表演慾，但係都需要慎重考慮先至會俾佢加入娛樂圈：「生活節目可以，但演戲就未必，爸爸係演戲，媽媽唱歌，我哋唔係一般家長，因為我哋知道工作環境，我驚我對演出水平嘅要求比導演仲高，相信唱歌較容易實踐。」
(on.cc東網/蘋果日報)
