其實呢啲先喺好老公啊。。。
李思欣今日著住性感嘅大露背晚裝，喺牛頭角為醫學美容中心拍攝代言人廣告，思欣仲會有一個著比堅尼嘅造型，不過因為佢之前去咗釜山旅行，所以都擔心會好肥，所以一向懶做運動嘅佢都專登做吓運動同推油，務求最佳狀態示人！
思欣仲話估唔到老公范振鋒咁保守，啱啱影咗造型相畀老公睇，老公竟然留言鬧佢：「你唔好再性感啲！」今次酬勞達六位數，佢非常滿意。日前再有醫學美容發生事故，思欣覺得所有美容中心都應該有專業醫學團隊，接受療程前亦要先了解自己體質是否適合，問佢會否接受「微調」？佢話：「暫時未有需要，平時會做吓美容護膚，同保持心情愉快，不過我成日唔記得剃腋毛，佢哋好好，話會幫我搞掂。」
聽日會同老公、安志杰及阿Bob去加拿大拍戲，戲中會同外籍男演員有情侶戲，不過無情慾戲份。對於「小巨肺」Celine出局，佢覺得有少少可惜：「始終佢年紀仲細，相信佢再累積多啲人生經驗，加上本身都有咁好嘅唱歌技巧，將來會係明日之星，所以今次出局都唔使放棄。」
(蘋果日報)
