Mandy Lieu師妹歐家裕（Joe），當日參加ViuTV嘅選美真人騷《美選D.n.A》嘅時候，直認遇到賤男，由一支牙刷揭發男朋友帶女仔返家過夜，女方仲係佢好朋友個前妻。
呢位Mandy Lieu師妹，參選未幾就秘密同百億航運業太子爺Jacky Lam拍拖，今年三月戀情曝光。報道話佢舊年喺朋友介紹下，認識Jacky，識咗冇耐已經戀得火熱，仲經常周遊列國，搬咗去男友位於何文田山道嘅獨立屋同居。男方其實離咗婚只係一年，已ready另一段關係，今年五月兩人舉行婚禮，今晚歐家裕貼圖宣佈有咗，仲就嚟生喇！
之前歐家裕話過生BB嘅嘢順其自然，今年8月佢喺IG貼嗰張自拍照仲見到條腰，5日前佢拎住件BB背心話「Baby in progress」，今日自拍已經籮咁大！晚上歐家裕回覆周刊話：「多謝關心呀，0依家好開心呀，倒數階段好期待同好緊張，老公都有成日陪住我，性別就保持神秘先，遲啲有好消息俾個驚喜大家。」
(蘋果日報)
