美國才藝比賽真人騷《全美一叮》於香港時間今日舉行準決賽第二回合。
香港9歲「小巨肺」譚芷昀Celine 打頭陣表演。
Celine上台獻唱迪士尼動畫電影《魔海奇緣》（Moana）主題曲《How Far I’ll Go》 ，期間展示拉長音技巧，尾段更升Key！
評判主腦Simon Cowell大讚Celine：「今次你相比之前，有好大進步，呢首歌好完美，你控制把聲好好，升調又好正！我個細路最鍾意呢套戲，我知道佢會不斷翻睇，恭喜你。」
不過上次批評Celine選錯歌的Mel B，今次再批評選錯歌。
「你幾歲？九歲。無可否認你把聲係好正。但我認為，首歌對你嚟講太音樂劇啦，冇好好表現你把聲，佢變到好緊，我知道你其實可以再唱低啲同高啲。」
其他評判一直表示不同意，觀眾更大噓。
Heidi Klum亦大讚Celine：「你係閃耀嘅星星，你唱得好清晰，音完全準。唔止咁樣，你仲好可愛，你好完美！」
Howie Mandel亦認同：「我認為佢好可愛，我希望你一切順利，可以夢想成真！」
(on.cc 東網)
