藝人楊愛瑾（Miki）與老公永安太子爺郭永淳出席皮具品牌活動，郭永淳不願接受訪問，而Miki就表示老公因為怕醜，面對鏡頭好緊張：「佢好少可同我一齊出席公開場合，今次又有多朋友喺度。頭先影相佢都好唔自然，一路影一路不自覺拍我背脊。」問到怎樣處理嬸嬸秦萍的身後事，她說：「其實都交畀屋企人處理，詳情唔方便講。（嬸嬸畀你印象點？）都好少機會見到佢，印象中見過一至兩次，反而同佢啲仔女會見得比較多。睇番佢後生啲相覺得佢好靚，又好好人，通常見面都係一大班親戚，未有好深入傾偈。」
Miki發現五個月大兒子Luken喜歡音樂：「有次同側田食飯，佢帶咗支結他唱歌。嗰時仔仔一路聽歌一路笑，好似打拍子咁，所以嚟緊側田演唱會，我都想帶埋仔仔去，但驚嘈到仔仔耳仔，但可能會帶佢去後台。」Miki表示與老公賭兒子會先叫爸爸定媽媽：「咁我對佢多啲，今朝聽到佢有少少叫媽媽，但我話畀人知，但係冇人信我，啲人就話我諗多咗。」
(東方日報)
