今日係內地藝人楊冪30歲生日，正式登三喇，不過楊冪正身在紐約，與囡囡小糯米分隔兩地，未能一齊慶祝。
好在有爸爸劉愷威，愷威今早就上載囡囡的畫作為楊冪慶生，3歲的小糯米畫上一家三口全家福，入面寫住Dad、mom、noe mie（糯米），仲有Happy B-day Mommy！
一張好溫馨的畫作，對一個3歲的小朋友嚟講絕對唔係一件容易嘅事！
劉愷威留言話：「每年慶生的祝福裏多了一位多才多藝的小美女~畫技絕佳，糯米媽咪@楊冪 生日快樂」
簡簡單單的一幅畫，再加埋老公嘅甜蜜祝福，楊冪收到都甜入心，難怪佢即刻貼上三個心心圖案回應囡囡同老公啦。
而楊冪好友范冰冰都有上載與楊冪的合照，祝對方幸福開心。
(on.cc東網)
