吳綺莉（Elaine）與女兒卓林今年年初因交友問題，關係再度緊張。事後Elaine哭求卓林回家，卓林回家後更指沒嬲過Elaine。近日有報道指二人關係再起變化，卓林已輟學離家，沒與Elaine同住。
據知卓林現與同性密友同居，Elaine回應指：「其實佢冇喺屋企住一段時間，我同佢一直有保持聯絡。佢11月就18歲，都好大個，唔可以吓吓都管住晒。」對於女兒輟學，Elaine亦抱開放態度：「學習唔一定要返學嘅，佢有同我講佢依家教小朋友普通話，咁呢種都係一種生活體驗嚟，主動去工作係好事嚟，總好過溫室生活。」
Elaine稱有向女兒提供基本開支，指女兒也應要學習如何自己生活。面對女兒決心離家，Elaine作為母親只能無奈接受，強調家中大門永遠為女兒而開：「鍾意幾時返就幾時返，阿媽我永遠都會歡迎。我哋都有聯絡嘅，又生活喺同一天空下，個心係連住嘅，惟有當佢去咗生活體驗。」
Elaine不時會在社交網上載舊照，早前就貼出卓林的童年照並寫道：「當有一天您發現人都是一樣的時候，您要學懂感恩。媽媽說的話，我也在學習。」
（on.cc）
