最近娛樂圈愈嚟愈多女星升呢做媽媽，而各個社交網站都成為星媽們曬B嘅平台，一向都係時尚ICON嘅佢哋原來都好鐘意「親子裝」穿搭，各有各特色，又帥又萌又時髦，偷偷學起來就對啦！
1. Yumiko
大家都知梁浸浸係潮B，靚媽Yumiko經常為浸浸配搭唔同類型嘅衫，有時更會母女裝上陣，一齊著牛仔外套同藏藍色裙子，Girly得嚟又有返啲型格Balance下，認真可愛！
除咗牛仔外套，Yumiko仲會利用同色系單品嚟做配搭，雖然都係白色配紅色Ruffle上衣，驟眼睇好似但其實有啲細節位又唔同，浸浸著背心褲仔更活潑；Yumiko就著比較優雅嘅裙子。
2. 侯佩岑
同樣擅長異中求同仲有氣質女神侯佩岑，在近期幾張同囝囝Ian一同入鏡的照片中，侯佩岑巧妙運用冇性別界限嘅條紋上衣及牛仔襯衫搭配親子裝。
除咗媽媽同囝囝可以著，就連爸爸都可以一齊著，拍下幸福家庭照，甜蜜溫馨又不失時髦感！
3. 洗米嫂
而洗米嫂都好鐘意著親子裝，
除咗著同款T-shirt之外，同樣都會用同色系嚟搭配，同囡囡一靜一動更顯心思！
4. 隋棠
隋棠自從有了寶貝女兒Lucy之後，都開始體驗為女孩打扮嘅樂趣，髮帶造型超可愛，
隋棠更穿上好友林心如設計嘅STAYREAL 10th x HELLO KITTY親子裝，盡顯俏皮可愛嘅一面，又Sweet又萌，馬上引起網民熱烈討論。
5. 梁詠琪
GiGi一向都好錫囡囡Sophia，自然就唔少得同佢一齊著母女裝啦，穿上同款嘅白色Lace連身裙，就好似兩個小仙女咁靚咁可愛～
6. 李蘊
李蘊自從嫁人後就喺內地相夫教女，佢不時都會些牙生活點滴上IG，囡囡愈大愈可愛，穿上同樣花紋嘅母女裝後更溫馨，連網民都大讚佢哋兩母女一樣咁靚！
大家又最鐘意邊個配搭呢？
