又南分享到：「有啲藥物去幫助腦退化嘅，好似惠英紅媽媽之前有食，都有明顯嘅改善。」
藝人黃又南出席醫學研究記者會，分享患腦退化症的父親參與全球首個華人以視網膜影像篩查阿茲海默症研究的感想。
感謝相關機構主動接觸
受訪時，又南表示要多謝傳媒之前的正面報導，亦因此事後有很多相關機構主動接觸他，願意提供協助：「好多機構喺facebook聯絡我，但嗰期我要搵我爸爸，冇睇到，之後睇番先知有咁多好有善嘅機構想幫爸爸，我就逐個打電話去同佢哋講番，話我真係好唔好意思，嗰陣未平伏到心情，又要pick up番爸爸其他嘢所以冇覆，但佢哋都好nice。」他又指很多人會覺得做醫學研究似做白老鼠，但他認為沒有做研究，就不會知道下一步要如何去做：「如果冇研究出嚟，呢樣嘢大家永遠都唔會知係一個咩病嚟，所以係需要呢樣嘢嘅。」
唔會因父親再次走失感壓力
另外，又南亦謂父親一直是他的推動力，最初知道對方患腦退化症時，雖然能夠接受，但不知應如何與父親溝通和相處：「最緊要知道佢身體好健康，完全唔會行動不便，好感恩，只係腦退化嘅認知障礙症影響到佢失蹤。」問到可會擔心父親再次走失而很大壓力？又南坦言不會：「依家唔會喇，知道嗰時都訂咗啲定位嘅錶，點知佢嚟到之前就發生咗件事。同埋之後都有機構贊助我，有啲藥物去幫助腦退化嘅，好似惠英紅媽媽之前有食，都有明顯嘅改善。」
