賴慰玲昨日被爆秘密入紙結婚，而佢好姊妹都。。。
27歲「邦民女」陳嘉寶（Anjaylia）早前宣告封盤，將於11月25日嫁半億初戀男友黃頌祈，《蘋果》喺婚姻註冊處見到兩人嘅登記，Anjaylia喺電話透露大約兩個星期前入紙。
問到婚禮籌備成點？佢輕鬆表示：「ok呀，一切交晒畀wedding planner，我哋又冇特別好奄尖，婚禮有主題，但o依家唔講住，諗住畀驚喜大家。」
仲到兩個月就到大日子，問到心情如何？準人妻笑笑話：「都開心嘅，但唔會話好特別，我諗要再近啲先feel到。」好姐妹賴慰玲都入咗紙，Anjay驚訝話：「我唔知喎，都係聽你講，佢都好正常ready。」
問到係咪唔怕紅事相沖，請埋賴慰玲嚟飲？Anjay話：「我係基督徒，所以完全冇呢啲諗法，我都會去幾個唔同婚禮，所以冇乜介意呢啲嘢，好多朋友都係呢啲時候結婚，冇乜計較。」
(蘋果日報)
