韓流天王Rain今年1月與拍拖多年嘅演員女友金泰希拉埋天窗，兩人於5月再公開金泰希懷孕15周嘅喜訊，獲粉絲送上祝福，目前Rain夫婦正喺意大利進行「胎教旅行」。
而據韓媒《The Fact》今日報道，金泰希多選擇非繁忙時間、醫院冇咁多人嘅時候，孖住母親去醫院做體檢。報道又指雖然醫院方面冇透露金泰希更多嘅情況，不過透過Rain夫婦嘅熟人得知，當金泰希懷孕32周時做咗性別測試，得知BB係囡囡後Rain夫婦都相當開心，B女預計於下月尾或11月初出世。及後Rain及金泰希方面表示：「BB的確預計10月尾或11月初出世，但唔清楚BB性別，其他內容屬私生活部分，無法透露詳細。」
(蘋果日報)
