42歲荷里活一姐安祖蓮娜祖莉日前在洛杉磯受訪宣傳執導作《First They Killed My Father》。
安祖蓮娜祖莉再談同畢彼特離婚一事，眼濕濕咁話：「我唔享受單身，唔係我想咁（離婚）。」
安祖蓮娜日前喺比華利山酒店受訪，好耐冇坐定定接受記者訪問谷新片嘅佢坦言：「今次係我相隔好耐第一次再咁做（受訪），實在唔容易。今次我有啲怕醜，因為我內心唔似以前咁堅強。」
再談同畢佬離婚一事，安祖蓮娜忍唔住眼濕濕：「一直都好困難，（離婚）完全冇好處，只有困難。」
至於仔女近況如何，安祖蓮娜就話：「佢哋好好，一直互相支持，某程度上是我前所未見過的。看到佢哋如何彼此幫助，大哥哥照顧小朋友，一齊幫咗我好多。今次真係令佢哋找到自我，找到屬於自己嘅聲
音。」
被問到點睇未來的自己時，安祖蓮娜就話：「10年前嘅我唔會想到自己的家庭生活、婚姻及事業會是今天的情況，現在於這個年齡，我只想身體健康。」
(on.cc 東網)
