藝人王浩信於金鐘出席髮型屋開張活動，髮型屋與一位設計師合作，他得知後立即問對方有沒有興趣與演員合作，他說：「我以前都係讀design嘅！（囡囡遺傳你設計天分？）有，佢依家開咗學，不過佢不嬲都鍾意畫畫，有時就係我畫畫，佢上色，我哋都係咁樣溝通！」
他又笑指囡囡遺傳了他的特質，就是擁有一雙長腿：「有好有唔好啦，唔好嘅就係怕佢跟人走囉，依家都已經開始驚啦！（接受唔到個女拍拖？）我都後生過，以前都享受呢種拍拖感覺，呢種心態明白嘅，但係始終都唔捨得囉！」
談到太太陳自瑤（YoYo）最近到內地拍攝劇集，他表示對方剛回港，由於囡囡已經k3，兩公婆忙於準備囡囡升小學的事，他說：「要準備啲profile同埋興趣班，我慢慢都變成怪獸家長！（YoYo返香港囡囡會黐佢多啲？）唔係喎！不過我會好珍惜呢個月，十月又要開劇啦，今次會辛苦啲要打拳，希望唔使受傷！」
(on.cc東網)
