武打演員鄒兆龍早前被一名女子在網上開設名為「鄒兆龍出軌記錄」嘅微博帳戶，透過呢個帳戶上載摸腳底相同露骨語音對話，仲話自己發微博原因係鄒兆龍「攤牌」後唔認人，所以要公開對方真面目。
鄒兆龍太太為1989年度曾參選港姐的翁慧德，之後轉當模特兒亦甚有成績，兩人於1999年結婚。
不過事件擾攘咗幾日，個微博帳戶啲內容同圖片全部被刪除，只剩一段寫住：「沒有任何協商，得饒人處且饒人！」嘅留言，令網民猜測女方係咪已經接受有人道歉。
不過，當事人鄒兆龍一直未有為事件解畫同發聲。不過，鄒兆龍今日個微博就有新留言，亦係事件後首度發文，佢仲用咗雞同屎作比喻，佢話：「曾經發過的一段文…現在這段文最能體現我現屆（階）段的心情！雞生蛋，雞也拉屎，但你肯定只吃蛋，不吃屎的，對雞如此，對人亦然。每個出色的人，都會生蛋，也會拉屎，例如他很會開公司，那你就買他家股票來賺錢，至於他亂說話，你就不用學。你最要緊是多吃雞蛋，少理雞屎，吸取營養，壯大自己。很多人放著（着）蛋不吃，整天追究屎，難道你靠吃屎能變壯大？
(on.cc東網)
